Лак-бояу материалдарын, жабындарды және полимерлік материалдарды (бұдан әрі – ЛБМ, ЛБЖ және ПМ) сот-сараптамалық зерттеу осы объектілерді зерттеудің технологиясы, құрамы және әдістері саласындағы арнайы ғылыми білімді пайдалана отырып, сот сараптамасының жалпы ережелері негізінде ЛБМ, ЛБЖ және ПМ сараптамалық зерттеулерінің көмегімен зерттелетін оқиғаның нақты деректерін, мән-жайларын анықтайды.

ЛБМ, ЛБЖ және ПМ зерттеу жүргізу барысында не зерттеледі?

ЛБМ, ЛБЖ және ПМ сот-сараптамалық зерттеу объектілері оқиға орнындағы заттық жағдайдың әртүрлі элементтері-беті боялған заттар және полимерлік материалдардан жасалған бұйымдар, лак-бояу материалдары және олардың құрамдас бөліктері, лак-бояу материалдарымен жұмыс істеуге арналған құралдар мен құрылғылар, жанаспалы өзара іс-қимыл іздері бар боялған заттардың нақты жиынтығы, полимерлерден жасалған бұйымдарға арналған шикізаттың белгілі бір жиынтығы, оларды дайындауға арналған механизмдер мен жабдықтар болып табылады.

ЛБМ, ЛБЖ және ПМ зерттеулері қандай міндеттерді шешеді?

- заттың табиғатын оны ЛБЖ, ЛБМ, ПМ, сондай-ақ оның құрамы мен нысаналы мақсатына жатқызу мақсатында анықтау;

- нақты объектілерді анықтау үшін ЛБМ, ЛБЖ және ПМ микробөлшектері мен микроіздерінің жарамдылығын анықтау;

- жалпы тектік, топтық тиістілікті анықтау;

- тасымалдаушы-заттардағы жеке бөліктер немесе із-қатпарлар бойынша нақты боялған затты ұқсастыру;

- тасымалдаушы-заттарда ЛБМ, ЛБЖ және ПМ бөлшектерінің із-қатпарларының түзілу механизмін белгілеу;

- зерттелетін объектілердің байланыс өзара әрекеттесу фактісі мен механизмін анықтау;

- ЛБМ, ЛБМ, ПМ іздері бойынша олардың шығу көзін белгілеу;

- тақырыпты өзгерту фактісі мен әдісін анықтау.

Көрсетілген сараптама түрлері жүргізілетін аумақтық бөлімшелері: Нұр-Сұлтан қ., Алматы қ., ШҚО, Жамбыл, БҚО, Қарағанды, Қостанай, Маңғыстау, Павлодар облыстары, Шымкент қ.