Сот-сараптамалық бухгалтерлік зерттеу шеңберінде мынадай міндеттер шешіледі:

- материалдық құндылықтар мен қызметтер үшін есеп айырысу операцияларын есепке алуда көрсетуді белгілеу;

- ақша қаражаттарын кіріске алуды, есептеуді, төлеуді және есептен шығаруды белгілеу;

- бухгалтерлік есепті жүргізудің бухгалтерлік заңнама талаптарына сәйкестігін айқындау;

- кассалардағы және банктік шоттардағы ақша қаражаттарымен жүргізілетін операцияларды зерттеу;

- материалдық құндылықтармен жүргізілетін операцияларды зерттеу;

- іс үшін маңызы бар өзге де бухгалтерлік операцияларды зерттеу.

Осы сараптама аясында келесі мәселелер шешіледі:

- зерттеу кезеңі үшін тауарлық-материалдық қорларды және ақша қаражатын кіріске алу және есептен шығару бухгалтерлік есеп құжаттарымен негізделген бе;

- зерттелетін кезеңдегі тауарлық-материалдық қорлардың, ақша қаражатының кем шығуының (артық шығуының) сомасы қандай;

- зерттелетін кезеңдегі ақшалай қаражат берешегінің мөлшері қандай;

- зерттелетін кезеңдегі төлемдер (жалақы, жәрдемақы) бойынша берешектің мөлшері қандай;

- іс үшін маңызы бар және сарапшының құзыретіне жататын өзге де мәселелер.

Көрсетілген сараптама түрлері жүргізілетін аумақтық бөлімшелері: Нұр-Сұлтан қ., Алматы қ., Алматы, Ақмола, Ақтөбе, Атырау, ШҚО, Жамбыл, БҚО, Қостанай, Қызылорда, Маңғыстау, Павлодар, СҚО, Түркістан облыстары, Семей қ.,Шымкент қ.