Азық-түлік емес тауарларды сот-сараптамалық тауартану зерттеуі олардың тұтыну және өзге құнына әсер ететін азық-түлік емес тауарлардың негізгі сипаттамалары туралы нақты деректерді және осы сипаттамаларды қалыптастыратын факторларды айқындау үшін жүргізіледі.

Сарапшы-тауартанушы нені зерттейді?

- өнеркәсіптік тауарлар;

- орау;

- таңбалау;

- салыстырмалы үлгі;

- активтің сипаттамалары және осы сипаттамаларды қалыптастыратын факторлар туралы ақпаратты қамтитын құжат;

- басқа құжаттар.

Сараптама жүргізу кезінде шешілетін міндеттер:

- зерттеуге ұсынылған тауарларды диагностикалау: техникалық параметрлерді, ақаулардың болмауы/болуын, тозу деңгейін анықтау;

- зерттеуге ұсынылған тауарларды жіктеу: белгілі және жалпы қабылданған жіктеулер бойынша сыныпқа, топқа және түрге жатқызу;

- зерттеуге ұсынылған тауарларды сәйкестендіру: үлгіге сәйкестік мәніне салыстырмалы зерттеу, тауартану шеңберінде бүтін бөліктердің тиесілігі тұрғысынан салыстырмалы зерттеу, тауар сипаттамаларының (құннан басқа) тиісті стандарттар мен техникалық шарттардың талаптарына сәйкестігін айқындау;

- тауардың құндық сипаттамаларын анықтау кезінде шығынды, салыстырмалы және табысты тәсілдерді пайдалана отырып ситуациялық талдау жүргізу.

Көрсетілген сараптама түрлері жүргізілетін аумақтық бөлімшелері: Нұр-Сұлтан қ., Алматы қ., Алматы,  Ақтөбе, Атырау, Жамбыл, Қостанай, Қызылорда, Маңғыстау, Павлодар, Түркістан, БҚО, ШҚО, облыстары, Семей қ., Шымкент қ.