Ғимараттар мен құрылыстарды жобалау, салу, пайдалану және жөндеу процесін сипаттайтын деректерді анықтауға байланысты істің мән-жайлары сот-құрылыс сараптамасының пәні болып табылады.

Қандай жағдайларда ғимараттар мен құрылыстарды сот-сараптамалық құрылыс-экономикалық зерттеу қажет?

Ғимараттар мен құрылыстарды жобалау, салу, пайдалану және жөндеу процесін сипаттайтын деректерді белгілеу кезінде.

Осы зерттеу аясында қандай міндеттер шешіледі?

-нақты орындалған құрылыс-монтаждау немесе жөндеу-құрылыс жұмыстарының және жұмсалған материалдардың құнын айқындау;

-нақты орындалған құрылыс-монтаж немесе жөндеу-құрылыс жұмыстары құнының орындалған жұмыстарды қабылдау актілеріне сәйкестігін анықтау;

-нақты орындалған құрылыс-монтаж немесе жөндеу-құрылыс жұмыстары құнының сметалық құжаттамаға сәйкестігін анықтау;

-пайда болған ақауларды немесе зақымдануларды жою үшін жасалуы қажет жөндеу-құрылыс жұмыстарының құнын анықтау.

Ғимараттар мен құрылыстарды құрылыс-экономикалық зерттеу барысында не зерттеледі?

- ғимараттар мен құрылыстар;

- ғимараттар мен құрылыстардың жекелеген конструктивтік элементтері;

- құрылысы аяқталмаған объектілер;

- зерттеу тақырыбына байланысты басқа объектілер.

- қылмыстық, азаматтық немесе әкімшілік іс материалдары;

- техникалық құжаттама:

- түгендеу істері, техникалық паспорттар, паспорттар (пайдаланылатын объектілер үшін);

-түсіндірме жазбаны, жұмыс сызбаларын, сметалық құжаттаманы және басқаларды қамтитын құрылыс объектілеріне жобалау-сметалық құжаттама (ЖСҚ).

- жобалау-сметалық құжаттама бойынша мемлекеттік сараптаманың қорытындысы;

- жұмыстарды алып тастауға/қосуға арналған сметалық есептеулерді қоса бере отырып, жобалау-сметалық құжаттаманы өзгертуге арналған техникалық шешімдер;

- шарттық құжаттама (оның ішінде шартқа қосымша келісімдер);

- атқарушылық құжаттама, орындалған жұмыстарды қабылдау актілері, нақты орындалған жұмыс көлемдерін өлшеу актілері, сарапшының өтініші бойынша ұсынылған маманның қорытындысы, зерттеу нысанасына байланысты басқа да құжаттар.

Көрсетілген сараптама түрлері жүргізілетін аумақтық бөлімшелері:  Нұр-Сұлтан қ., Алматы қ., Алматы, Ақмола, Атырау, ШҚО, БҚО, Жамбыл, Қостанай, Қызылорда, Маңғыстау, СҚО Түркістан облыстары, Семей қ., Шымкент қ.