Компьютерлік технология құралдарын сот-сараптамалық зерттеуі азаматтық, қылмыстық істің немесе әкімшілік құқық бұзушылық туралы іс материалдарында тіркелген ақпараттық процестерді іске асыруды қамтамасыз ететін компьютерлік құралдарды әзірлеу және пайдалану заңдылықтарын зерттеу негізінде анықталатын фактілер мен мән-жайларды анықтау үшін жүргізіледі.
Компьютерлік технология құралдарын зерттеу барысында не зерттеледі?
- аппараттық объектілер: дербес компьютерлердің әртүрлі түрлері жиынтықтарымен, әр түрлі түрдегі және мақсаттағы перифериялық құрылғылар; желілік аппараттық құралдар (серверлер, жұмыс станциялары, белсенді жабдықтар, желілік кабельдер және т.б.); дискілік деректер жинақтағыштар (HDD қатты дискілері, FDD флоппи-дискілері, CD-ROM, CD-RW, DWD-ROM оптикалық компакт-дискілері, USB флэш-карталары).
- бағдарламалық объектілер: жүйелік бағдарламалық жасақтама (дербес компьютерлер мен MS-DOS, UNIX, Windows локальды желілерге арналған әр түрлі нұсқалардағы әртүрлі операциялық жүйелер және т. б., көмекші бағдарламалар – утилиталар, бағдарламаларды әзірлеу және күйін келтіру құралдары, қызметтік жүйелік ақпарат және т. б), әртүрлі қолданбалы бағдарламалық өнімдер.
- ақпараттық объектілер: жоғарыда көрсетілген және басқа бағдарламалық құралдарды пайдалана отырып дайындалған файлдар (.txt, .doc, мәтіндік форматтардың, .bmp, .jpg, .cdr, графикалық форматтардың, .dbf, .mdb, мәліметтер базасы форматтарының, .xls, .cal электрондық кестелердің және т.б. кеңейтілуімен), мультимедиа форматтарындағы деректер.
- сараптамалық зерттеулер жүргізу үшін қажетті ақпаратты қамтитын объектілер: әртүрлі құжаттар (ғылыми-техникалық өнімді сатып алуға, жасауға (беруге) арналған шарттар; ғылыми-техникалық өнімді тапсыру-қабылдау актілері; компьютерлік техниканы және перифериялық құрылғыларды сату алдындағы дайындық құнының калькуляциясы және басқалар); зерттеуге берілетін компьютерлік, есептеу техникасына (перифериялық құрылғыларға, магниттік тасымалдағыштарға) ілеспе құжаттама, әртүрлі анықтамалық деректер, пайдаланушының нұсқаулықтары, сондай-ақ іс материалдары.
Көрсетілген сараптама түрлері жүргізілетін аумақтық бөлімшелері: Нұр-Сұлтан қ., Алматы қ., Алматы, Ақтөбе, ШҚО, БҚО, Жамбыл, Қостанай, Қызылорда, Қарағанды, Павлодар, облыстары, Семей қ., Шымкент қ.
