Сот жарылыс-техникалық сараптамасы жарылғыш құрылғылардың (оқ-дәрілер мен қолдан жасалған жарылғыш құрылғылардың), жарылғыш заттар мен жару құралдарының топтық тиістілігі мен шығу көзін, сондай-ақ жарылыс жағдайларын анықтауға байланысты істің мән-жайларын анықтау үшін жүргізіледі.

Сот-техникалық сараптамасының міндеттері:

- жарылыс фактісін анықтау;

- шахталар мен кеніштердегі, технологиялық процестердің, сондай-ақ қазандық жабдықтарының бұзылуымен байланысты объектілердегі жарылыстарды қоспағанда, жарылыстың техникалық себептерін анықтау.

Жару-техникалық сараптамсы нені зерттейді?

- артиллериялық, инженерлік және жаяу әскердің жарылғыш әрекеті бар штаттық оқ-дәрілерді (миналар, гранаталар, бомбалар) және қолдан жасалған жарылғыш құрылғыларды;

- жару құралдарын;

- жарылғыш заттарды (әскери, өнеркәсіптік немесе әмбебап мақсаттағы), оқ-дәріні, пиротехникалық құралдар және пиротехникалық қоспаларды;

- жарылыс іздерін: (жарылыс өнімдерін, жарылған оқ-дәрілердің және/немесе қолдан жасалған жарылғыш құрылғылардың фрагменттерін, жарылыс әсеріне ұшыраған оқиға орнындағы шынайы қалып объектілері);

- бу, шаң және газ ауа қоспалары түзілуі мүмкін үй-жайлардың көлемі;

- жарылыстардың барлық түрлері туралы істер бойынша оқиға орындары;

- сараптама мәніне қатысты қылмыстық іс материалдары;

- сараптамалық зерттеуге арналған үлгілер.

Ескертпе: сараптамаға оқпан арнасы арқылы өткен артиллериялық снарядтар, оқталған жарғыштары бар жарылмаған оқ-дәрілер және басқалары, яғни қауіптілігі жоғары снарядтар қабылданбайды.

Көрсетілген сараптама түрлері жүргізілетін аумақтық бөлімшелері:  Нұр-Сұлтан қ., Алматы қ., Ақтөбе, Жамбыл, Қостанай, Қызылорда, Қарағанды, Маңғыстау, Павлодар, облыстары.