Сот-гистологиялық сараптамасы зорлық-зомбылық әрекеттердің әсерінен немесе аурулардан болатын органдардағы (тіндердегі) патологиялық өзгерістердің бар-жоғын және бағалауды, зақымданулардың тірі кездегі мен ескіру мерзімін анықтауды, сондай-ақ сот гистологиясы саласында арнайы ғылыми білімді талап ететін қаулыда және жолдамада келтірілген өзге де мәселелерді шешуді белгілейді.
Сот-гистологиялық зерттеу объектілері: мәйітті ашу кезінде алу жүргізілген органдар мен тіндердің фрагменттері және сот-гистологиялық зерттеуді талап ететін іс бойынша өтетін тірі адамдардың басқа да объектілері (биопсиялық материал) болып табылады.
Көрсетілген сараптама түрлері жүргізілетін аумақтық бөлімшелері: Нұр-Сұлтан қ., Алматы қ., Павлодар, Түркістан облыстары, Шымкент қ.
