Вакансия

Қазақстан Республикасы Әділет министрлігі «Қазақстан Республикасы Әділет министрлігінің Сот сараптамалары орталығы» республикалық мемлекеттік қазыналық кәсіпорны директорының бос лаузымына конкурс жариялайды.
Кәсіпорынның негізгі қызметі арнаулы ғылыми білім құралдарымен қылмыстық, азаматтық істер және әкімшілік құқық бұзушылық туралы істер бойынша сот сараптамасын жүргізу, сондай-ақ сот сараптамасы мәселелері бойынша ғылыми-зерттеу қызметін жүзеге асыру болып табылады.
Конкурсқа қатысушыларға қойылатын талаптар:
Жоғары білім: заңгерлік не экономикалық, медициналық, техникалық.
Жұмыс тәжірибесі: Мамандығы бойынша сот-сараптама қызметі саласында басшы лауазымдарында кемінде 5 жыл жұмыс өтілінің болуы.
Құзыреті: Басқарушылық дағдылар, стратегиялық ойлау, бейімделу мен икемділік, мақсаттылық, сот сараптамасы саласындағы, сондай-ақ жұмысты басқару және ұйымдастыру саласындағы әдіснамалар мен стандарттарды білу, әдептілік, сыбайлас жемқорлыққа төзбеушілік, қақтығыс-менеджмент, ауқымды ақпарат талдау қабілеті, мәселелерді шешуге шығармашылық көзқарас.
Заңнаманы білуі: Қазақстан Республикасының Конституциясын, Қазақстан Республикасының Еңбек кодексін, Қазақстан Республикасының әкімшілік рәсімдік-процестік кодексін, «Әкімшілік құқық бұзушылық туралы» Қылмыстық, Қылмыстық-процестік, Азаматтық, Азаматтық процестік кодекстерін, «Сыбайлас жемқорлыққа қарсы іс-қимыл туралы», «Құқықтық актілер туралы», «Әділет органдары туралы», «Сот-сараптама қызметі туралы», «Мемлекеттік мүлік туралы» Қазақстан Республикасының Заңдарын және сот-сараптама қызметін реттейтін Қазақстан Республикасының өзге де нормативтік құқықтық актілерін білуі.
Комиссия конкурсқа қатысушылармен әңгімелесу өткізу кезінде мемлекеттік кәсіпорын қызметі саласындағы қатынастарды реттейтін Қазақстан Республикасының нормативтік құқықтық актілерін білуін тексереді.
Сондай-ақ тиісті саланың уәкілетті органы (жергілікті атқарушы орган) бекіткен тиісті кәсіпорын басшысының біліктілік талаптары мен лауазымдық нұсқаулығының негізінде конкурсқа қатысушылардың кәсіби білімі анықталады, басқарушылық шешімдер қабылдау қабілеті, оның ішінде сот сараптама қызметін жетілдіру.
Конкурсқа қатысуға үміткер тұлға конкурс өткізу туралы хабарландыруда көрсетілген мерзімде мынадай құжаттарды ұсынады:
1) конкурсқа қатысу туралы өтініш;
2) мемлекеттік және орыс тілдеріндегі түйіндеме;
3) білімі туралы құжаттардың көшірмелері;
4) Қазақстан Республикасы Еңбек кодексінің 35-бабында көрсетілген еңбек қызметін растайтын құжаттар;
5) Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ-175/2020 бұйрығымен (Нормативтік құқықтық актілерді мемлекеттік тіркеу тізілімінде № 21579 болып тіркелген) бекітілген «Медициналық анықтама (дәрігерлік кәсіби-консультациялық қорытынды)» № 075/е нысаны бойынша анықтама.
Конкурсқа қатысушы өзінің біліміне, жұмыс өтіліне, кәсіби даярлық деңгейіне қатысты қосымша ақпаратты (біліктілігін арттыру, ғылыми дәрежелер мен атақтар беру, ғылыми жарияланымдар туралы құжаттардың көшірмелері, сондай-ақ бұрынғы жұмыс орнының басшылығынан ұсынымдар) ұсына алады.
Конкурсқа қатысу үшін құжаттар, хабарландыру жарияланған күннен бастап күнтізбелік 15 күн ішінде келесі мекен-жайда қабылданады: Астана қ., Мәңгілік Ел даңғылы 8, Министрліктер үйі, 13 кіреберіс, 937 каб. байланыс тел. 8 (7172) 74-06-39, 55-88-26, 8 771 607 07 64.
Әңгімелесудің өткізілетін күні туралы конкурсқа қатысушылар қосымша хабардар етілетін болады.