Молекулярлық генетикалық зерттеулер: Халықаралық мамандар тәжірибесі

Астана қаласы бойынша Сот сараптамасы институтында молекулярлық-генетикалық зерттеулер қызметіндегі әлемдік көшбасшылардың бірі болып табылатын FGI (BGI Genomics бөлігі өнім өндірушісінің озық технологияларын енгізудің соңғы шешімдері бойынша шеберлік сыныбы өтті.

Жеке сәйкестендіру үшін мастер-класс барысында BGI маманы капиллярлық генетикалық анализаторлармен үйлесімді BGI STR жинақтарының презентациясын көрсетті. Осыдан кейін Identfiler DNA Typing Kit (YanHuang 34) HW7014 және HumDNA typing Kit (41) HW7047 кейсворк нұсқасының эксперименттік нысандардағы жұмысы көрсетілді.

Сондай-ақ сарапшыларға BGI-4in1 ерітіндісін (NGS-Next Generation Sequencing System) қолдану арқылы сот-молекулярлық-генетикалық тестілеудің тиімділігін арттыру бойынша презентация ұсынылды.