Әділет министрлігінде Конституция күніне орай салтанатты іс шара өтті
![](https://forensic.gov.kz/wp-content/uploads/2023/09/adilet-780x470.jpg)
Әділет министрі Азамат Есқараев құттықтау сөз сөйлеп, Қазақстан Республикасының Конституциясы күні әрбір қазақстандық үшін, оның ішінде әділет органдарының қызметкерлері үшін ерекше маңызын атап өтті.
«Конституция – біздің мемлекеттілігіміздің негізі, қазақстандықтардың ерік-жігері, құқықтары мен бостандықтарын іске асыруы. Тәуелсіздік алғаннан бері, Қазақстан Республикасының Конституциясы негізгі жалпы адамзаттық құндылықтар – сөз бостандығы, таңдау еркіндігі және құқықтың үстемдігі негізінде, елдің экономикалық және саяси дамуын қамтамасыз ету бойынша өзінің негізгі функциясын орындап отырғанын», – Әділет министрі атап өтті.
Іс-шара барысында Азамат Есқараев Министрлік қызметкерлерін грамоталармен, алғыс хаттармен, сондай-ақ ведомстволық наградалармен марапаттады.
Мұнан басқа, іс-шара аясында әкімшілік мемлекеттік қызметке алғаш рет кірген мемлекеттік қызметшілердің ант қабылдау рәсімі өтті.